غزل عرفانی در انتظار مهدی (علیه السلام)

---

---

ای  گول   ایاقون   آلتدا   باخ   خاره   دردین   آلام

سایه   سالار   چمنده   گول   خاره   دردین    آلام

اولدوم    مریض   عشقون   لازم   دگل   دیوم   گل

باخ   گوزلریمده   اشگ   سرشاره   دردین   آلام

بو    آیرلیق   اوتوندا    یاندیم      کولوم     چخوبدور

یل  قورخورام  سوئورسون  کهساره  دردین آلام

اوندا     اثر      تاپولماز        بیچاره        عاشقوندن

بو    خاکساره    ایله    بیر   چاره    دردین   آلام

خاکسترینی   ساخلار   پروانه   یانسا   گر   شمع

اشگیله    ایسلادار   تا    اسحاره   دردین    آلام

میخانه      قاپلاریندان       عاشقلرون        گچوبلر

قوی  اوز   قویوم  بو  پشت  دیواره  دردین   آلام

ای   سوگلی   اگر  چه    چوخدی   سنه   خریدار

قیمت    سنه   تاپولماز  مه   پاره   دردین    آلام

بیر  اولمیوب  گوریدوم  گون  تک  طلوع  ایدورسن

فریاد   ایدوم    سنونتک   سالاره   دردین    آلام

قالام    ایاقلار    آلتدا    چوخ   مشتری    واروندی

یوسف    کیمی    گلنده    بازاره    دردین    آلام

عیسی   گلر   قاپوندا   ال  سینه  ده   دایانسون

گتمز     دوباره     چرخ     دوِّاره     دردین    آلام

فصل     بهار      عطرون      گللرده      آختارولار

گل   گوزیاشین   سپوللر   یوللاره   دردین   آلام

گل  قلبمون  سنوبدی   دیواره  سی سوزور قان

وار   احتیاجی  سن   تک  معماره   دردین  آلام

تا   گورمسه   جمالون   گوزلر   ئورک    ساغالماز

ایستور   سنی  بو  قلب  صد  پاره  دردین  آلام

ای      یوسف      مدینه      یعقوبلر       قوجالدی

وصلوندی  کوینگ  ای  شه ابراره دردین  آلام  

دنیاده   ((عینی فردون))    سنسن   که    آبروسی

بانی    اولوب    ((دویران)) ،  اشعاره   دردین   آلام

(استاد حاج غلامرضا عینی فرد((نثار زینبیه)))

---